Tuesday, February 12, 2019

50 Famous Motivational Quotes in Urdu

Motivational things insan ki life mein bhot zaida important hoti hain.Es post mein ap ky sath best life changing quotes ko share karn ga.Jo apko zindage ky mushkil waqt mein motivate karein gyn aur apko ek kamyab insan banayn gyn.

motivational-quotes

Motivational Quotes: 

1.Zilat uthany se behtr hai ky taklef utha lo. 2.Hasad na karny se insan ka jism tandurust rheta hai.
3.Jo shaks Haq se mou morta hai tbah ho jata hai.
4.Namaz ky liye susti aman ki kamzori ki nishani hai.
5.Na mukamal (incomplete) ilm FASAD paida karta hai.
6.Es duniya mein insan bhi mehman hai aur us ki arzooye bhi.
7.Aqal mand log hamesha ghum aur fikr mein mubtala rhety hain.
8.Momin ky liye har wo din jis din wo guna na kare Eid ki tra hai.
9.Tooba rooh ka ghusal hai jitne bar bhi kia jaye nikhar he paida hota hai.
10.Jo shakhs sirf apne liye sochy wo janwar hai aur jo dusru ky liye sochy wo insan hai.
11.Duniya mein sub se khubsurat darakht muhabbat ka hai jo dilu mein ugta hai.
12.Apko jo dukh dy usko chor do magr jis ko chor do us ko dukh kabhi maat do.
13.Jo koi zulm ky zariye se izzat chahta hai ALLAH usy insaaf ky zariye se zaleel karta hai.
14.Insan jab apny ap ko dusru se acha samjhny lag jata hai tou wo bura ban jata hai.
15.Iklaq wo cheez hai jis ki koi qeemat nahin daine parti.Magr insan es se har cheez khareed laita hai.
16.Agr tum kise ko dil se pyaar karo aur wo tumhein chour dy tou wo uski bd-naseebi hai tumhare nahin.
17.Apne zaban ki teeze ko apne Maa par na chalao jis ne tum ko bolna sekhaya hai. 18.Insaniyat bhot bra khazana hai esy lebas (Dress) mein nahin balky insan mein talash karo.
19.Maaf karna aur Insaaf karna aisy do amal hain jin ka sawab kbhi tola nahin ja sakta.
20.Duniya mein wo he insan kamyab hoty hain jo takbr ky TAAJ ko khud se dour phenk daity hain.

21.Khuwaishat badshahu ko bhi Ghulam bana daiti hain magr sabr fakeero ko bhi badshah bana daita hai.
22.Kise shaks ko paa lena he Muhabbat nahin balky kise ky dil mein jgah bana lena Muhabbat hai.
23.Tabiyat ki narmi aur sekhawat insan ko dushman ky dilu mein bhi mehboob bana daiti hai.
24.Tum logn ky aibo (Buri baatn) se aisy ghafil ho jaye jaisy soty waqt duniya se ghafil ho jaty ho.
25.Apne zindagi ko aise guzaro ky daikhny waly tumhary DARD ky bajaye tumhary sabr pr fakhr karein.

Life Changing Urdu Quotes 

26.Agr tumhary dil mein kise ky liye nafrat paida ho tou us waqt foran us ki ache baatn ko yaad karo.
27.Apne taqat aur dolat pr kbhi bhi barosa mat karna kiyon ky bemare aur ghurbat any mein dair nahin lagti.
28.Agr muhabbat un se na mily jin se tum pyaar karty ho tou Muhabbat us ko zaror daina jo tum se pyaar karta hai.
29.Agr kise ki Muhabbat pana chahty ho tou us ko batao ky zindagi mein moqy km aur DHOUKY zaida milty hain.
30.Duniya mein sirf paisa hona he RIZQ nahin.Naik aulad , acha ikhlaq aur achy dost bhi RIZQ mein shamil hain.

31.Apne dosto ky ghamu mein shamil hua karo magr unki khushio mein tab tak na jao jab tak wo khud na bhulayn.
32.Jab tumhare mushkilat had se zaida ho jayn tou samjh lo ky KHUDA tumhein koi buland mukam dainy waly hai.
33.Zindagi jeeny ky sirf do he tareeqy hain.Un logn ko bhoul jao jin ko maaf nahin kar sakty aur uny maaf kar do jiny bhoul nahin sakty.
34.Qurbaan jao us ALLAH pr jo insan ko us ki bardast ky mutabiq dhouk daita aur insan ko us ki auqaat se zaida khushi daita hai.
35.Apne life mein aisy shaks ko kbhi nahin khona jis ky dil mein ap ky liye Muhabbat, Fikr, Izzat aur Chahat ho.
36.Insan ky jism ka sub se khubsurat hisa uska dil hai agr yehe saaf na ho tou chamkta chera bhi kise kaam ka nahin hota.
37.Mushkilat hamesha behtren logn ky hisy mein aty hain kiyon ky wo en ko behtren tareeqy se sar-unjam dainy ki taqat rakhty hain.
38.Es duniya mein hazaru rishty banao magr ek rishta aisa bhi banao ky jab hazru ap ky khilaf hon to wo ek ap ky sath ho. 39.Aisa bhot he km hota hai ky jald-bazi karny wala admi naqsan na uthaye magr aisa kbhi nahi hota ky sabr karny wala nakam ho jaye.
40.Zindagi mein jab dukh mily tou pachtawy ky anso na bahao.Kiyon ky tum wo khush naseeb ho jis ko ALLAH ne Qabil-E-Azmahish samjha.

41.Jab tum pr mushkil waqt aye tou kise ka asan na lo.Kiyon ky mushkil waqt 4 din ka aur asan sare zindage ka hota hai.
42.Sare duniya ky log insan ko apny faidy ky liye chahty hain sirf ALLAH he insan ko us ky faidy ky liye chahta hai.
43.Namaz ki fikr apne upr Farz kar lo KHUDA ki qasm tum duniya ki fikru se azad ho jao gye aur kamyabi tumhary qadm chomy gyi.
44.Insan ki Tang Dasti mein Sakhawat karna, Ghussy mein sach bolna aur taqat hoty hue bhi maaf karna uski sub se behtren neki hai.
45.Apne sochu ko paani ky qatru se bhi zaida shafaf rakho kiyon ky jis tra qatru se mil kar darrya banta hai ese tra sochu se mil kar eman banta hai.
46.Aisa shaks jis ka dushman koi na ho aur dost sub hon tou us shaks jaisa koi munafiq nahin kiyon ky dushman hamesha us ky hoty hain jo HAQ baat kheta ho.
47.Kamyabi ko damgh mein aur nakami ko dil mein jgah na don.Kiyon ky kabh kabhi Kamyabi damgh mein Takhbr aur Nakami Dil mein Mayuse paida kar daiti hai.
48.Agr koi tum se Bhalaye ki umeed rakhta hai tou us ko kbhi mayous na karo.Kiyon ky logn ka tum se wabasta hona tum pr ALLAH ka khas karam hai.
49.ZIndage mein dosti aur muhabbat un se karo jo nibana janty hon.Nafrat un se karo jo bhulana janty hon aur Ghussa un pr karo jo manana janty hon.
50.Agr tumhare ankhyn khubsurat hain tou tum duniya se muhabbat karo gy.Lakin agr tumhare zuban khubsurat hai tou duniya tum se muhabbat kare gyi.

En Motivational Quotes ko apne friends ky sath zaror share karein.

Friday, February 8, 2019

Fake facebook ID ka pta kaise lagaye ?

Fake facebook ID: Har internet user ka Facebook account zaroror hota hai.Mera bhi hai apka bhi hoga.But aj ky dour mein fake IDs bhot zaida create ki ja rhe hain.Boy kise larki ky naam se fake Id bana kr larku se hazaru rupey lout laity hain.Fake facebook account se bachna kafi mushkil ho gya hai.Par hum kise had tak es se bach sakty hain.Aj ki es post mein apko ek aise tip don ga jis ko follow kr ky ap easily es baat ka pta laga sakty hain ky yeh Id real larki ki hai yaa koi fake Id bana kr apko bewaqof bana rha hai.

facebook-fake-id

Fake fb account ka pta kaise chalaye:

Dosto Facebook pr kise bhi user ko trace karna etna easy kaam nahi hai.But ap care kr ky aur kuch tips ko follow kr ky fake fb account se bach sakty hain.


Jab kbhi bhi humein kise boy ya girl ki fb Id se koi msg ata hai tou hum sub se phley us ki profile photo ko check karty hain.Par humein yeh kaise pta lge ga ky us ki profile photo real hai? Es ky liye mein apko ek asan se tip de rha hon es ko follow kr ky ap easily pta laga sakty hain ky yeh us ki original photo hai ya google se kise aur ki download ki gyi picture hai.

Facebook Account Block Kiyon Hota Hai

Step 1:

Sub se phley Google Chrome Browser se Google ko open kar lyn.Apko top right side pr 3 dots nazar ayn gyn.Es pr click kryn.
google

Ab ap ky samny ek new menu open ho gyi es mein se Desktop Site pr checkmark laga dyn.
desktop-site
 
Step 2:
Top right side pr Images pr click karein.
image

Step 3:
Camera ky icon pr click karein.
camera

Step 4:
Ab ap ky samny ek new menu box open hoga.Es mein apko 2 options mily gy:
upload-image

1:Paste Image URL: Es ky zariye se ap kise bhi picture ka URL past kr sakty hain.Simply ap kise bhi site se kise bhi picture ka link copy kr ky yahn paste kr sakty hain.
2:Upload an Image: Yahn pr apne download ki gyi photo ko upload kr sakty hain.

Kise bhi option ko select karyn aur Search by image pr click kr dyn.

Agr wo picture google se download kr ky fb profile pr lagaye gyi ho gyi tou ap ko  easily pta lag jaye ga.

Es trick ky zariye se ap khud ko aur apne friends ko Fake facebook IDs se bacha sakty hain.Post ko read karny ky bad apne friends ky sath zaror share karein.

Sunday, February 3, 2019

Exams ky liye study kaise karein (3 Best Tips)

Exams ky liye study kaise karein:Exam mein achy marks lena hr ek student ki wish hoti hai pr achy marks leny ky liye study kaise karein?Ap ko es question ka answer es post mein mily ga.

study-tips

Study karny ky liye tips:

Ek week mein 168 hours hoty hain.Agr ap ek student hain aur ap ky exams qareeb hain tou apko lgy ga ky yeh time tou bhot km hai.Ap yeh zaror kheyn gy ky ek week tou bhot jald khtm ho jaye ga.Apko es ek week mein kuch tests ko tiyar karna pare ga, Kuch assignments hon gyn aur apki social life bhi tou hai.Ap ny apne family and friends ko bhi tou time daina hai.       

Dosto kitna acha ho agr hum study kr ky achy marks bhi le lein aur apni social life ko bhi time dy sakyn.Agr ap student hain tou yeh post ap ky liye hai.Es post mein apko study karne ki best tips don ga.Jin ko follow kr ky ap exams mein achy marks ly sakyn gyn.Ap jitny marks le rhy hain en tips ko follow kr ky ap us se zaida marks le sakty hain

1.Study session:

Study session bhot zaida important hai.Agr ap ne yeh socha hua hai ky ap ne 3-5 hours parhna hai.Ap apne time pr apne room mein chaly jayein.Jab tak study karne ka time khtm nahin hota ap ne apne room se bahir nahin ana.

Kuch students 3-5 hours tak continuously study karty rhety hain.Jis se humare mind pr bura asr parta hai.Es baat ko aise samjh lein ky agr hum ek flower ko 1 week tak continuously  pani daity rheyn.Es se yeh behtr hai ky hum esi flower ko 1 week tak daily 5 minutes tak pani dein.Esi tra behtr hai ky hum thory thory time bad study karein.Es se humein magical result mily ga.Es se humara mind study pr focus and concentrate karta hai.Science ki research ne yeh prove kia hai ky es tra humary mind ki performance 46% tak increase hoti hai.Hum kise bhi cheez ko jaldi tiyar kr sakty hain aur wo humein zaida dair tak yaad bhi rheti hai.Magr ap ne es break mein Mobile phone ya T.V ko nahin daikhna.Agr ap aisa karein gyn tou ap ka mind working mein rhe ga.Ap ne apne mind ko rest mein rakhna hai.


2.Review your lesson:

Hum jab bhi koi lesson tiyar karty hain tou us ko ache tra likh kr ya kise ko suna kr repeat kr laity hain aur sochty hain ky yeh lesson tou humein sahe tra tiyar hai.Magr jab hum exam mein baitty hain tou humein wohe lesson boul chuka hota hai.Aisa kiyon hota hai?

Hum jab bhi koi lesson tiyar karty hain tou wo humare mind ki memory mein store hota hai.Humare mind ki memory 2 tra ki hoti hai:

1:Short term memory
2:Long term memory

Jab hum koi bhi lesson tiyar karty hain wo Short term memory mein store hota hai.Jahan se yeh lesson kuch dinu bad khtm ho jata hai.Agr hum kise lesson ko zaida dair ky liye store karna chahty hain tou us ko humein Long term memory mein le kar jana ho ga.Lesson ko zaida dair ky liye yaad rakhny ky liye usy bar bar revise karein.Lesson ko bar bar repeat karne se wo humare Long term memory mein store ho jata hai aur humein dair tak yaad rhe ga.


3:Dont waste your time in thinking:

Bhot sary students apne study ko le kar bhot serious hoty hain.Wo achy marks aur career ki soch mein rhety hain.Magr wo achy marks le nahin sakty.Wo sochty rhety hain ky bas ab bhot time waste ho gya , ab khoub mehnat karne hai, achy marks le kar any hain.Koi game khelny ka waqt hai ya family ky sath baat karty waqt un ky mind mein bas yehe sawal hota hai ky bas achy marks, exam ky liye study kaise karein wagera.But achy marks phir bhi nahin aty wo bas average marks he hasil karty hain.
Dosto hum apne mind ko jis tra chalaty hain wo use tra chalta hai.Ese tra students agr Mathematics ka test tiyar kr rhyn hain tou wo Chemistry ky test ky bary mein soch rhy hoty hain.Hum karty km aur sochty zaida hain.Fikr zaida hoti hai aur marks km aty hain.

Agr hum kise bhi lesson ko zaida dair ky liye yaad rakhna chahty hain aur chahty hain ky humary exam mein achy marks ayn tou humein thinking mein apna time waste nahin karna.

Ap apne study ky experience ko bhi humare sath share kar sakty hain aur agr apko post ache lge tou es ko apne students friends ky sath zaror share karein. 

Thursday, January 31, 2019

Facebook account block kiyon hota hai?

Facebook account block kiyon hota hai: Jo bhi insan internet user hai.Us ki facebook Id lazmi hoti hai.Fb (Facebook) account ko hum Ristadaru, Dosto wagera ky sath connect rhne ky liye create karty hain.Hum Fb pages aur groups ky zariye se apne business ki promotion bhi kar sakty hain.
Ap ky sath kbhi aisa hua hoga ya ap ny kbhi apne kise friend se suna hoga ky us ka Fb account block ho gya hai.Fb account ky block hone ky different reasons ho sakty hain.Jin mein se kuch ko yahn detail ky sath share karn ga.

facebook-account

Fb account block hone ky reasons:

Fb Id block hone ky reasons yeh hain:

1.Fake Id hona Fb Id block hone ka sub se bra reason hai.Jab hum ek fake id use karty hain.Us waqt bhot se log humare id ko report kar daity hain.Jis se facebook se humare id ko block kar dia jata hai.

2.Jab hum bhot se logn ko friend request send karty hain.

3.Kise post pr bhot zaida comments karne ki wajah se bhi humare Id ko block kar dia jata hai.

4.Kise post ko ya URL ko bhot zaida facebook pr share karne ki wajah se bhi Fb account ko block kr dia jata hai.

5.Fb ID ky block hone ki ek wajah apne post mein bhot se logn ko tag karna bhi hai.

Dosto yeh to Fb account block hone ky reasons thy.Ab ap ky mind mein yeh sawal hoga hum apne  Fb account ko en reasons se kaise bachayn.

Apne Facebook account ko block hone se kaise bachayn:

Ap en tips ko follow kr ky apne ID ko block hone se bacha sakty hain:

1.Complete Detail: Ap jab bhi facebook pr apna account create karein tou us mein apne complete detail enter karein.Agr bad mein apko koi problem ho to ap easily apne ID ko recover kr sakyn.

2.Date of birth: Apne account mein apne real date of birth he enter karein.Ap apne safety ky liye es ko bad mein baqio se hide kr sakty hain.

3.Real Photo: Apne profile picture mein apne real picture he add karein. Agr ap apne privacy ky liye apna real photo add nahin kr sakty tou koi aise photo upload karein jis se apko koi problem naa ho like Flower etc.

4.Bar bar post ko share na karein: Apne Fb account ko block hone se bachany ky liye ek he post ko bar bar share na karein.Kise bhi link ko bar bar share karna spamming mein ata hai aur humary account ko hamesha ky liye block kia ja sakta hai.

5.Real name: Apne facebook account pr real name he use karein. Mera matlb yeh nahin ky bs real name he use karein ap apne privacy ky liye koi bhi naam use kr sakty hain.Lakin ap ek boy ho ky girl ky name se account na create karein.

6.Add number and email: Apne Fb ID mein number aur email dono ko add karein.Kiyon ky hota yeh hai ky kuch log ek number se ID banaty hain phr use number se ek new ID create kr laity hain tou unka phla account phr open nahin hota.Es liye ap email ko bhi zaror add karein.Ap apne number and email ko apne friends se hide bhi kar sakty hain.

7.No bad posts: Kbhi bhi bad posts ko share maat karein.Mere kheny ka matlb hai ky nude cheezu ko Fb pr share maat karein.Jab wo cheez humare friends ko pasand nahi ati tou wo usko remove karwany ky liye humare ID ko report kar daity hain.Jis ki wajah se humare ID ko block kr dia jata hai.

8.Comments: Apne Fb ID ko safe rakhne ky liye kise bhi post pr bhot zaida comments na karein.Yeh Fb privacy ky khilaf hai.Es se humein commonly commenting se kuch time ky liye block kr dia jata hai but kuch situations mein humare ID ko he block kr dia jata hai.

Apka post se related ya facebook se related koi bhi sawal hai tou ap comment box mein poch sakty hain.Agr apka Facebook account kbhi block hua hai tou ap apne experience ko bhi share kr sakty hain.

Agr apko yeh post pasand aye hai tou es ko apne friends ky sath zaror share karein.

Wednesday, January 30, 2019

50 Best Urdu Quotes

Best Urdu Quotes: Humare zindagi mein acha aur bura waqt ata rhta hai.Agr bury waqt mein hum khud ko motivate karein aur himmat ky sath aghey barty rhyn tou ek din humein success zaror milti hai.Aj ki es post mein ap ky sath Urdu ky best Quotes ko share karon ga.Jin ky zariye se ap khud ko motivate kr sakyn gyn aur zindagi ky hr mushkil pal mein khud ko sabat qadm rakh sakyn gyn.

best-urdu-quotes

Urdu Quotes:

1.Khamoshi ghussy ka behtren ilaj hai.
2.Apna bojh dusru pr na dalo chahiye km ho ya zaida.
3.Pareshanio aur musibaton ka muqabla sabr ky sath karo.
4.Hamesha risthy un se banao jo nibany ka hosla rakty hon.
5.Jab dil sacha ho jata hai tou zuban bhi sache ho jati hai.
6.Mazbhut log khamosh rhety hain kise se shikayat nahin karty.
7.Zindagi ka maqsad kise ki talash nahin balky apne pechan karna hai.
8.Kamyabi insan ko badalte nahin balky insan ko be-naqab karti hai.
9.Ikhlaq mein kbhi haar aur Takbr mein kbhi jheet nahin hoti.
10.Talluq muktasar he kiyon na ho pr Munafqat se pak hona chahiye.
11.Zindagi mein DHOUKA koi ek daita aur Nafrat sub se ho jati hai.
12.Us cheez pr kbhi bhi afsos na karna jo tumhary hath na aa sakhy.
13.Insan ki pechan us ka acha libas nahin balky us ka acha ikhlaq hai.
14.Jo log sub ki fikar karty hain aksr unki fikr karny wala koi nahin hota.

15.Duniya mein sub se zaida dolat us shakhs ky pas hai jis ki MAA zinda hai.
16.Jab humary Wasty aur Rabty ALLAH se jor jayn tou phir Dil nahin toota karta.
17.Insan sub kuch copy paste kar sakta hai.Magr apny Naseeb aur Qismat ko nahin.
18.Apne se achy ko talaash karo apne jaisy ky sath tou zindagi tbah karo gy.
19.Jab GUNAH se bachny ky sary rasty band ho jayein tou us waqt rou lia karo.
20.Sub se bewaquf insan wo hai.Jo choti cheez ky liye bri cheez ko kho dy.
21.Zindagi mein hr cheez milti hai bas zindagi dainy waly Rub pr yaqeen rakho.
22.Dusru ki khamiya choro kbhi apne aghey bhi Sheesha rakh ky daikho.
23.Agr tum KHUDA ki rehmat ky umeed-war ho tou us ki makhluk pr rehm karo.
24.Ronaq ki ahmiyat tab tk nahin hoti jb tk insan tanha na ho jaye.

Motivational Urdu Quotes

25.Agr chaty ho ky tumhara naam baqi rhe tou apne bachu ko achy ikhlaq sekhao.
26.Kbhi kbhi risthy nibany ky liye dil dukhany waly samjhoty bhi karne parthy hain.
27.Jis ko tum sy sache muhabat ho gyi.Wo tum ko fazol baatn se roky ga.
28.Hathu ki lakiron pr maat jao.Naseb un ky bhi hoty hain jin ky hath nahin hoty.
29.Sach bol kr beshak kise ka dil tor do magr jhot bol kr kise ka BAROSA kbhi mat torna.
30.Zindagi mein sary log rishtadar aur Dost bn ky nahin aty kuch log sabq bn kr bhi aty hain.
31.Jaise muhabat tum apne Maa Baap se karo gy aise he muhabbat tumhare aulad tum se kare gyi.
32.Waqt ky badl jany se etne taklif nahin hoti.Jitne waqt se phley Dostn ky badl jany se hoti hai.
33.Kmm khana sare bemariyon ka ilaj hai.Jab ky Shaqam-Seri tamam bemariyon ki jar hai.

34.Tumhara raaz tumhara qaidi hai.Lakin tumhary muh se nikal jane ky bad tum us ky qaidi ho.
35.Jo shakhs ap se bhot larne ky bad bhi apko mana le tou samjh jao ky wo ap se bhot pyaar karta hai.
36.Sach ka bhi ajeeb he zaiqa(Taste) hai.Jab khud bolein tou metha lagta hai pr jab koi aur boly tou karwa lagta hai.
37.Bhot se log us waqt khuf-Zda ho jayn gyn jab wo sheshy mein apne chehry ky elawa apna krdar bhi daikh lein.
38.Un logn ky sath guzara ho sakta hai jin ki tabiyat khrab ho.Magr un ky sath nahin ho sakta jin ki tarbiyat khrab ho.
39.Udas ankhu mein kamyabi ky deeyeh jalaao kiyon ky kamyabi udas ankhu mein khushion ky jugnu bhr daiti hai.
40.Bhoul kr bhi apna raaz kise ko mat batao.Yahn pr kaaghz bhi thore se dair bad akhbar (Newspaper) bn jata hai.
41.Agr tum us waqt muskuraty ho jab tum puri tra se toot jaty ho tou yaqeen manu tumhein duniya mein koi nahin tor sakta.
42.Khubsurat hai wo dil jo kise ky Dard ko samjhy,wo soch jo kise ky liye acha sochy aur wo hath jo kise ko mushkil waqt mein tham ly.

43.Sach sooraj ki tra hota hai.Jo jitna bhi badloon mein choup jaye.Us ki roshne kahin se nikal he ati hai.
44.Dorie chahiye 1 lamhy he ki kiyon na ho.Faslay sehnay waloon ky liye yeh doriyan esi tra hoti hain jaise mashriq se maghrib dour hai.
45.Zindage mein hamesha khush raho kiyon ky pareshan hony se kal ki mushkil khtm nahin ho jati balky aj ka sakun bhi chala jata hai.
46.Apne zindagi ko aise geo ky koi tumhare wajah se hansy tum pr nahin.Aur koi roye tou tumhary liye rooye,Tumhare wajah se na rooye.
47.Zindagi ko zarorat mein rakho Khuwaishat mein na jao,Zarorat fakeron ki bhi puri hoti hai aur khuwaishat badshahu ki b baqi rhe jati hain.
48.Zindagi mein kuch pal aisey hoty hain jin ka hum bri shidat se intizar karty hain.Magr wo pal zindagi mein tb aty hain jb humein unki zarorat nahin hoti.
49.Ap khud he apne liye behtren dalasa hain, behtren Dost hain, behtren duniya aur mushkil waqt mein behtren thapki jo apko kbhi harne nahin daiti.
50.Achy ky sath acha raho lakin bury ky sath bura na raho kiyon ky tum pani ky sath khon ko saaf kar sakty hon magr khon ky sath khon ko saaf nahin kar sakty.

Agr apko yeh post ache lge hai tou es ko social sites pr apne dostn ky sath zaror share karein.

Follow by Email

Popular Posts

Powered by Blogger.